ഒന്നിച്ചോണം 2026′ ഓണാഘോഷം കളറാക്കി മുതിരേരി ഇടവക
മാനന്തവാടി: ‘ഒന്നിച്ചോണം 2026’ എന്ന പേരിൽ മുതിരേരി ചെറുപുഷ്പ ദേവാലയത്തിൽ ഓണാഘോഷപരിപാടികൾ നടത്തി. വ്യത്യസ്തമായ ഓണമത്സര പരിപാടികൾ ഇടവക വികാരി ഫാ.ബിനു പൈനുങ്കൽ ഉദ്ഘാടനം ചെയ്തു. പ്രോഗ്രാം കൺവീനർമാരായ ബിനോയ് കുറുപ്പൻപറമ്പിൽ, ജെസ്സി ചെറുവള്ളിക്കുടിയിൽ എന്നിവർ പരിപാടികൾക്ക് നേതൃത്വം നൽകി. അനിൽ പുത്തൻപുരയ്ക്കലിൻ്റെയും മതാധ്യാപകരുടെയും മറ്റ് ഇടവകാംഗങ്ങളുടെയും നേതൃത്വത്തിൽ പള്ളിയങ്കണത്തിൽ മനോഹരമായ ഓണപൂക്കളം ഒരുക്കി. തുടർന്ന് വിഭവസമൃദ്ധമായ ഓണസദ്യ ഇടവകാംഗം സജി കുടിയിരിക്കലും പള്ളിക്കമ്മറ്റിയും ചേർന്ന് തയ്യാറാക്കി.
പഞ്ചായത്ത് മെമ്പർ ജോയ്സി, ഡി.എസ്.റ്റി.സിസ്റ്റേഴ്സ്, കൈക്കാരന്മാർ തുടങ്ങിയവർ ആശംസകൾ നേർന്ന് സംസാരിച്ചു. ഉച്ചയോടുകൂടി ഇടവകയിലെ ഓണാഘോഷ പരിപാടികൾ സമാപിച്ചു.
