മാനന്തവാടി പള്ളിക്കൽ ഡിവിഷൻ ഉപതെരഞ്ഞെടുപ്പ്: പോളിങ് സ്റ്റേഷനുകൾക്ക് അവധി പ്രഖ്യാപിച്ചു

കൽപ്പറ്റ: മാനന്തവാടി ബ്ലോക്ക് പഞ്ചായത്ത് പള്ളിക്കൽ ഡിവിഷൻ ഉപതെരഞ്ഞെടുപ്പിനോടനുബന്ധിച്ച് പോളിങ് സ്റ്റേഷനുകളായി പ്രവർത്തിക്കുന്ന സ്ഥാപനങ്ങൾക്ക് സെപ്റ്റംബർ 27, 28 തിയതികളിൽ ജില്ലാ കളക്ടർ വി. ചെൽസസിനി അവധി പ്രഖ്യാപിച്ചു.

തെരഞ്ഞെടുപ്പ് നടക്കുന്ന 08 പള്ളിക്കൽ ഡിവിഷൻ പരിധിയിലെ സർക്കാർ ഓഫീസുകൾ, തദ്ദേശ സ്വയംഭരണ സ്ഥാപനങ്ങൾ, പൊതുമേഖലാ സ്ഥാപനങ്ങൾ, അർദ്ധ സർക്കാർ സ്ഥാപനങ്ങൾ, വിദ്യാഭ്യാസ സ്ഥാപനങ്ങൾ എന്നിവയ്ക്ക് തെരഞ്ഞെടുപ്പ് ദിവസമായ സെപ്റ്റംബർ 28ന് അവധിയായിരിക്കും.

സ്വീകരണ, വിതരണ, വോട്ടെണ്ണൽ കേന്ദ്രമായി പ്രവർത്തിക്കുന്ന മാനന്തവാടി സെന്റ് പാട്രിക്സ് സ്കൂളിന് സെപ്റ്റംബർ 27 മുതൽ 29 വരെയും അവധിയായിരിക്കും.