ജി.എച്ച്.എസ്. പെരിക്കല്ലൂരിൽ എസ്.എസ്.എൽ.സി. വിദ്യാർഥികൾക്കായി മോട്ടിവേഷൻ ക്ലാസ് സംഘടിപ്പിച്ചു

പെരിക്കല്ലൂർ: പെരിക്കല്ലൂർ ഗവൺമെന്റ് ഹൈസ്കൂളിൽ വരാനിരിക്കുന്ന എസ്.എസ്.എൽ.സി. പരീക്ഷയ്ക്ക് മുന്നോടിയായി വിദ്യാർത്ഥികൾക്കായി പ്രത്യേക മോട്ടിവേഷൻ ക്ലാസ് സംഘടിപ്പിച്ചു. പരീക്ഷ ഭയം അകറ്റി ആത്മവിശ്വാസത്തോടെ പഠനത്തെയും പരീക്ഷകളെയും നേരിടാൻ വിദ്യാർത്ഥികളെ സജ്ജരാക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.
​എസ്.സി.ഇ.ആർ.ടി. മുൻ റിസർച്ച് ഓഫീസറും ഹയർസെക്കണ്ടറി അധ്യാപകനുമായ ഡോ. ടി. വി. വിനീഷ് ക്ലാസിന് നേതൃത്വം നൽകി. സമയബന്ധിതമായ പഠനരീതികൾ, ഓർമശക്തി വർധിപ്പിക്കാനുള്ള വഴികൾ, പരീക്ഷാഹാളിലെ സമ്മർദ്ദം കുറയ്ക്കൽ എന്നിവയെക്കുറിച്ച് അദ്ദേഹം വിദ്യാർഥികളുമായി സംവദിച്ചു.
​ചടങ്ങിൽ ഷിനോ എ. പി. സ്വാഗതം ആശംസിച്ചു. സ്കൂളിലെ അധ്യാപകരും വിദ്യാർത്ഥികളും പങ്കെടുത്ത ചടങ്ങിൽ പത്താം ക്ലാസ്സ്‌ വിദ്യാർത്ഥിനിയും സ്കൂൾ ലീഡറുമായ റിയ ഫാത്തിമ കെ ആർ നന്ദി രേഖപ്പെടുത്തി. അധ്യാപകരായ രതീഷ് സി.വി, മനു ഇ എം, സിജ എൽദോസ്, റിൻ്റ ജോസ് എന്നിവർ നേതൃത്വം നൽകി.