സാമൂഹ്യ സേവനം മുമ്പത്തേക്കാൾ ആർദ്രമാവണം: ദയാ ഭായ്

കണ്ണൂർ: കലുഷിതമായ ആധുനികകാലത്തെ സാമൂഹ്യസേവനം മുമ്പത്തേക്കാൾ ആർദ്രമാവേണ്ടതുണ്ടന്ന് സാമൂഹ്യ പ്രവർത്തക ദയാഭായ്.
മാനുഷികാനുഭവമുള്ള കൂടുതൽ സാമൂഹ്യ പ്രവർത്തകർ വളർന്നു വരേണ്ട കാലമാണിതെന്നും അവർ പറഞ്ഞു.
കണ്ണൂർ തോട്ടട സെന്റ് ഫ്രാൻസിസ് ഹയർ സെക്കന്ററി സ്കൂളിൽ
കേരള അസോസിയേഷൻ ഓഫ് പ്രൊഫഷണൽ സോഷ്യൽ വർക്കേഴ്സ് (ക്യാപ്സ് ) പത്താമത്
കേരള സോഷ്യൽ വർക്ക് കോൺഗ്രസ് ഉദ്ഘാനം ചെയ്ത് സംസാരിക്കുകയായിരുന്നു അവർ.
യുവതലമുറയെ ശരിയായ ദിശയിൽ നയിക്കുന്നതിലും സമൂഹത്തെ ധാർമ്മിക ബോധത്തിലും സാമൂഹ്യ പുരോഗതിയിലും നയിക്കുന്നതിലും പ്രൊഫഷണൽ സോഷ്യൽ വർക്കേഴ്സ് വഹിക്കുന്ന പങ്ക് വളരെ വലുതാണന്ന് ദയാ ഭായ് പറഞ്ഞു.
തന്റെ ജീവിതത്തിൽ സാമൂഹ്യ സേവനത്തിൽ താൻ അനുഭവിച്ച
വെല്ലുവിളികൾ പറഞ്ഞറിയിക്കാൻ പറ്റാത്തതായിരുന്നു.
പരിസ്ഥിതിയും മനുഷ്യരും തമ്മിലും മനുഷ്യർ തമ്മിൽ തമ്മിലുളളതുമായ ബന്ധത്തിന് നിത്യജീവിതത്തിൽ പ്രാധാന്യമുണ്ടാവണം .
സാമൂഹ്യ സേവനത്തിൽ
സ്വയം ബോധ്യം നിർബന്ധമാണ്.

തനിക്ക് മൂന്നര വയസ്സുള്ളപ്പോൾ എല്ലാം ഉപേക്ഷിച്ചു വന്ന ഗാന്ധിജിയെക്കുറിച്ചാണ്
സ്വാതന്ത്ര്യ സമരകാലത്ത് ജയിലിൽ നിന്ന് വന്ന പിതാവ് തന്നോട് പറഞതെന്നും സാമൂഹ്യ പ്രവർത്തനത്തിന്റെ ആദ്യ പ്രചോദനം അവിടെ നിന്ന് തുടങ്ങിയെന്നും ദയാഭായ് പറഞ്ഞു.

ക്യാപ്‌സ് സംസ്ഥാന പ്രസിഡന്റ്‌ ഡോ. ചെറിയാൻ പി.കുര്യൻ അധ്യക്ഷനായി. വർക്കിംഗ്‌ പ്രസിഡന്റ്‌ ഡോ. എം പി ആന്റണി ആമുഖ സന്ദേശവും
ഡോ. ക്ലാറൻസ് പാലിയത്ത് മുഖ്യപ്രഭാഷണവും നടത്തി.രണ്ടാമത് ക്യാപ്‌സ് സംസ്ഥാന സോഷ്യൽ വർക്ക്‌ പുരസ്കാരങ്ങളും സോഷ്യൽ വർക്ക്‌ കോൺഗ്രസ്‌ വേദിയിൽ സമ്മാനിച്ചു.

സോഷ്യൽ വർക്ക് മേഖലകളിൽ അധ്യാപനവും പ്രാക്ടീസും വഴി പ്രൊഫഷന്റെ സമഗ്രമായ പുരോഗതി സാധ്യമാക്കിയതിനുള്ള സമഗ്ര ശ്രേഷ്ഠ പുരസ്കാരത്തിന് ഫാ. ജോയി ജെയിംസും സോഷ്യൽ വർക്ക്‌ അധ്യാപന മേഖലയിലെ ദീർഘകാല മികവുറ്റ പ്രവർത്തനത്തിനുള്ള ഗുരുശ്രേഷ്ഠ പുരസ്കാരത്തിന് ഡോ. സോണി ജോസും

സോഷ്യൽ വർക്ക്‌ പ്രാക്ടീസ് മേഖലയിൽ നിർണായക ഇടപെടലുകളും സംഭാവനകളും നടത്തിയതിനുള്ള കർമ്മശ്രേഷ്ഠ പുരസ്കാരം ഫ്രാൻസിസ് മൂത്തേടൻ ഡോ. ശശികുമാർ സി എന്നിവർക്കും
സോഷ്യൽ വർക്ക്‌ അധ്യാപന-പ്രാക്ടീസ് മേഖലകളിൽ പുതുമയും പ്രതിബദ്ധതയും കൊണ്ടു കഴിവ് തെളിയിച്ച യുവ പ്രവർത്തകർക്ക് നൽകുന്ന യുവശ്രേഷ്ഠ പുരസ്കാരത്തിന് ഡോ. വിൻസി എബ്രഹാം, റെനിറ്റ മാനുവൽ
എന്നിവരും പുരസ്‌കാരങ്ങൾ സാമൂഹ്യ പ്രവർത്തക ദയ ഭായിയിൽ നിന്നും ഏറ്റുവാങ്ങി.

സംസ്ഥാന ബാലാവകാശ കമ്മീഷൻ അംഗം സിസിലി ജോസഫിനെയും പുതുതായി തിരഞ്ഞെടുക്കപ്പെട്ട 17 ചൈൽഡ് വെൽഫെയർ കമ്മിറ്റി അംഗങ്ങളെയും 9 ജുവനയിൽ ജസ്റ്റിസ് ബോർഡ് അംഗങ്ങളെയും യോഗത്തിൽ ആദരിച്ചു.
ജനറൽ സെക്രട്ടറി പ്രൊഫ. സേവ്യർകുട്ടി ഫ്രാൻസിസ് ജനറൽ കൺവീനർ ബ്രദർ ഡോ.ജോസഫ് ചാരു പ്ലാക്കൽ, ഫാ. സോജൻ പനച്ചിക്കൽ , ഡോ. അനീഷ് കെ.ആർ. ഡോ. ആശാദേവി പിള്ള, ഡോ. ബോണി എം തുടങ്ങിയവർ സംസാരിച്ചു.

രണ്ട് ദിവസങ്ങളിലായി നടക്കുന്ന വിവിധ സെഷനുകളിൽ സോഷ്യൽ വർക്ക്‌ മേഖലയിലെ സാങ്കേതിക – സ്റ്റാർട്ടപ് സാധ്യതകൾ പ്രയോജനപ്പെടുത്താൻ വിവിധ വിഷയങ്ങളിൽ ഡോ. എം പി ആന്റണി, ഡോ. ഐപ്പ് വർഗീസ്, അഡ്വ. എം ബി ദിലീപ് കുമാർ, ഡോ. അനീഷ് കെ ആർ, , ഡോ. സുനിൽ കുമാർ യെമ്മൻ ,സൗത്ത് ഇന്ത്യൻ ബാങ്ക് റീജിയണൽ മാനേജർ ജോർജ് ജോസഫ്, ഡോ. പി എം മാത്യു, വരുൺ ജി, ഷിബു സി വി, ഡോ. ജോ തോമസ്, , ഡോ. അനൂപ് ആന്റണി, , ഡോ. ശശികുമാർ സി, ഷാജു പുളിക്കൻ, ജിജി ഫിലിപ്പ്,
തുടങ്ങിയവർ വിഷയാവതരണം നടത്തും.
പത്താമത് സോഷ്യൽ വർക്ക് കോൺഗ്രസ് ശനിയാഴ്ച വൈകുന്നേരം നാല് മണിക്ക് സമാപിക്കും.

ഇന്ത്യ നെറ്റ്‌വർക്ക് ഓഫ് പ്രൊഫഷണൽ സോഷ്യൽ വർക്ക്‌ അസോസിയേഷനിലൂടെ ഇന്റർനാഷണൽ ഫെഡറേഷൻ ഓഫ് സോഷ്യൽ വർക്ക്‌ സംഘടനയുടെ ഭാഗമായ കേരള അസോസിയേഷൻ ഓഫ് പ്രൊഫഷണൽ സോഷ്യൽ വർക്കേഴ്സിൽ അംഗമാകുന്നതിനും പത്താമത് കേരള സോഷ്യൽ വർക്ക്‌ കോൺഗ്രസ് സംബന്ധിച്ച വിശദ വിവരങ്ങൾക്കും സംസ്ഥാന ജനറൽ സെക്രട്ടറി സേവ്യർകുട്ടി ഫ്രാൻസിസ് 94471 90154 എന്ന നമ്പറിൽ ബന്ധപ്പെടാവുന്നതാണ്.

.