ജില്ലാതല പട്ടയ മേള ഇന്ന്; മന്ത്രി ടി സിദ്ദീഖ് ഉദ്ഘാടനം ചെയ്യും
കൽപറ്റ:സംസ്ഥാന സര്‍ക്കാരിന്റെ നൂറുദിന കര്‍മ്മപരിപാടിയുടെ ഭാഗമായി നടക്കുന്ന ജില്ലാതല പട്ടയമേള ഇന്ന് (ഒക്ടോബര്‍ 5) രാവിലെ 10 ന് കല്‍പറ്റ സേക്രട്ട് ഹാര്‍ട്ട് പള്ളി ഹാളില്‍ കൃഷി വകുപ്പ് മന്ത്രി ടി സിദ്ദീഖ് ഉദ്ഘാടനം ചെയ്യും. അര്‍ഹിച്ച കരങ്ങളിലേക്ക് അവകാശത്തിന്റെ രേഖയാകുന്ന പുതിയ കേരളം എന്ന ലക്ഷ്യത്തോടെയാണ് പട്ടയമേള സംഘടിപ്പിക്കുന്നത്. ലാന്റ് ട്രൈബൂണല്‍, മുനിസിപ്പല്‍ ഭൂ-പതിവ്, മിച്ചഭൂമി, ദേവസ്വം പട്ടയങ്ങള്‍ ഉള്‍പ്പെടെ അര്‍ഹരായ 165 ഗുണഭോക്താക്കള്‍ക്ക് പട്ടയ മേളയില്‍ ഭൂരേഖ വിതരണം ചെയ്യും. എം.എല്‍.എ ഐ.സി ബാലകൃഷ്ണന്‍ അധ്യക്ഷനാവുന്ന പരിപാടിയില്‍ എം.പി പ്രിയങ്ക ഗാന്ധി, എം.എല്‍.എ ഉഷ വിജയന്‍, ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍, ജില്ലാ കലക്ടര്‍ വി ചെല്‍സസിനി, കല്‍പറ്റ നഗരസഭ അധ്യക്ഷന്‍ പി. വിശ്വനാഥന്‍, സബ് കലക്ടര്‍ അതുല്‍ സാഗര്‍, ബത്തേരി-മാനന്തവാടി നഗരസഭ ചെയര്‍പഴ്സണ്‍മാരായ റസീന അബ്‌ദുൽ ഖാദർ,ജേക്കബ് സെബാസ്റ്റ്യന്‍,
എല്‍.ആര്‍ ഡപ്യൂട്ടി കലക്ടര്‍ കെ. മനോജ് കുമാര്‍, ബ്ലോക്ക് പഞ്ചായത്ത് പ്രസിഡന്റുമാരായ കെ.കെ ഹനീഫ, പ്രസന്ന ശശീന്ദ്രന്‍, മീനാക്ഷി രാമന്‍, ടി.എസ് ദിലീപ് കുമാര്‍, വാര്‍ഡ് കൗണ്‍സിലര്‍ എ.വി ദീപ, രാഷ്ട്രീയപാര്‍ട്ടി പ്രതിനിധികള്‍, ഉദ്യോഗസ്ഥര്‍ എന്നിവര്‍ പങ്കെടുക്കും
