ജി എച്ച് എസ് എസ് പെരിക്കല്ലൂർ സ്കൂളിന്റെ നേതൃത്വത്തിൽ ‘സ്പെഷ്യൽ എൻറിച്ച്മെന്റ് പ്രോഗ്രാം’ നടത്തി:

പുൽപള്ളി : പെരിക്കല്ലൂർ ഗവൺമെന്റ് ഹയർ സെക്കൻഡറി സ്കൂളിന്റെ നേതൃത്വത്തിൽ
ഗോത്രവർഗ്ഗ മേഖലയിലെ വിദ്യാർത്ഥികളുടെ പഠനനിലവാരം ഉയർത്തുന്നതിനൊപ്പം അവരുടെ നൈപുണി-വ്യക്തിത്വ വികസനവും ലക്ഷ്യമിട്ട് സർക്കാർ ആവിഷ്കരിച്ച ‘സ്പെഷ്യൽ എൻറിച്ച്മെന്റ് പ്രോഗ്രാം’ പാതിരി ഉന്നതിയിൽ സംഘടിപ്പിച്ചു. പെരിക്കല്ലൂരിലെ അധ്യാപകരുടെയും അനധ്യാപകരുടെയും സംയുക്ത കൂട്ടായ്മയിലാണ് പരിപാടി ഒരുക്കിയത്.
​വാർഡ് മെമ്പർ മുനീർ ആച്ചിക്കുളം പരിപാടിയുടെ ഉദ്ഘാടനം നിർവ്വഹിച്ചു. സ്കൂൾ ഹെഡ്മിസ്ട്രെസ് കൊച്ചുത്രേസ്യ ചടങ്ങിന് സ്വാഗതം പറഞ്ഞു. പദ്ധതിയുടെ നോഡൽ ഓഫീസറായ സജ്‌ന ടീച്ചർ പരിപാടിയുടെ ലക്ഷ്യങ്ങളെക്കുറിച്ച് വിശദീകരിച്ചു.
​പി.ടി.എ. പ്രസിഡന്റ്‌ രാജേന്ദ്രൻ കെ. എ. അധ്യക്ഷത വഹിച്ച യോഗത്തിൽ, കുട്ടികളുടെ സർവ്വതോന്മുഖമായ മുന്നേറ്റത്തിന് കുടുംബത്തിന്റെ പിന്തുണ ഉറപ്പാക്കാൻ ലക്ഷ്യമിട്ട് മാതാപിതാക്കൾക്കായി പ്രത്യേക ബോധവത്കരണ ക്ലാസ്സും സംഘടിപ്പിച്ചു. മുൻ റിസർച്ച് ഓഫീസർ ഡോ. വിനീഷ് ടി. വി. ക്ലാസ്സിന് നേതൃത്വം നൽകി.
​ചടങ്ങിൽ പി.ടി.എ. വൈസ് പ്രസിഡന്റ്‌ ഗിരീഷ് ജി. ജി., ഷിജു കൊച്ചുപുരയിൽ എന്നിവർ ആശംസകൾ നേർന്നു. സ്റ്റാഫ് സെക്രട്ടറി രതീഷ് സി. വി. ചടങ്ങിന് നന്ദി രേഖപ്പെടുത്തി.