മാനദണ്ഡങ്ങള് പാലിക്കാത്ത വാഹനങ്ങള്ക്കെതിരെ കര്ശന നടപടി
ഫിറ്റ്നസ് എടുത്തതിനുശേഷം മാനദണ്ഡങ്ങള് പാലിക്കാതെ ജില്ലയില് സര്വീസ് നടത്തുന്ന സ്റ്റേജ് ക്യാരിയേജ് വാഹനങ്ങള്ക്കെതിരെ കര്ശന നടപടികള് സ്വീകരിക്കുമെന്ന് കണ്ണൂര് റീജിയണല് ട്രാന്സ്പോര്ട്ട് ഓഫീസര് അറിയിച്ചു. മോട്ടോര് വെഹിക്കിള് ആക്ടിനും നിയമങ്ങള്ക്കും മാനദണ്ഡങ്ങള്ക്കും വിരുദ്ധമായി ഗ്രാഫിക്സ്, പെര്മനന്റ് ഫിക്സഡ് റൂട്ട് ബോര്ഡുകള്, പെര്മിറ്റിന് വിരുദ്ധമായ ടൈപ്പ് വാഹനങ്ങളായി രേഖപ്പെടുത്തി ഉപയോഗിക്കുന്നവ, നിയമപ്രകാരമുള്ള കളര്കോഡിന് പുറമെയുള്ള മറ്റ് നിറങ്ങള് എന്നിവ ഏഴ് ദിവസത്തിനകം വാഹനങ്ങളില് നിന്ന് മാറ്റണം. അല്ലാത്തവക്കെതിരെ കര്ശന നടപടി സ്വീകരിക്കും.
