സര്‍പ്പ ആപ്പ് ബ്രാൻ്റ് അംബാസഡറായി ടൊവിനോ; നന്ദി അറിയിച്ച്‌ മുഖ്യമന്ത്രി
സംസ്ഥാനത്തെ പാമ്ബുകടിയേറ്റുള്ള മരണങ്ങള്‍ തടയുന്നതിനായി വനം വകുപ്പ് ആവിഷ്കരിച്ച സർപ്പ ആപ്പിന്റെ ബ്രാൻഡ് അംബാസഡറായി നടൻ ടൊവിനോ തോമസ്.ആപ്പ് പ്രവര്‍ത്തനമാരംഭിച്ച്‌ നാലു വർഷം പിന്നിടുകയാണെന്ന് മുഖ്യമന്ത്രി പിണറായി വിജയൻ അറിയിച്ചു. ഈ കാലയളവില്‍ പാമ്ബുകടി മൂലമുള്ള മരണങ്ങള്‍ നാലില്‍ ഒന്നായി കുറക്കാൻ സാധിച്ചുവെന്നും ഫോസ്ബുക്കില്‍ പങ്കുവച്ച കുറിപ്പില്‍ മുഖ്യമന്ത്രി പറഞ്ഞു.സർപ്പ ആപ്പിൻ്റെ പ്രവർത്തനം വിപുലീകരിക്കാനും കൂടുതല്‍ പ്രചാരം നല്‍കാനുമുള്ള ശ്രമത്തിലാണ് സർക്കാരെന്നും അദ്ദേഹം പറഞ്ഞു. സർപ്പയുടെ ബ്രാൻ്റ് അംബാസഡറായി പങ്കു ചേർന്ന നടൻ ടൊവിനോ തോമസിന് മുഖ്യമന്ത്രി നന്ദി അറിയിച്ചു. ആപ്പിന്റെ പൃവർത്തനങ്ങളും ലക്ഷ്യങ്ങളും വിശദീകരിക്കുന്ന വീഡിയോയും മുഖ്യമന്ത്രി പങ്കുവച്ചിട്ടുണ്ട്.*മുഖ്യമന്ത്രിയുടെ കുറിപ്പ്*”പാമ്ബുകടിയേറ്റുള്ള മരണങ്ങള്‍ തടയുന്നതിനായി വനം വകുപ്പ് ആവിഷ്കരിച്ച സർപ്പ ആപ്പ് പ്രവര്‍ത്തനമാരംഭിച്ച്‌ നാലു വർഷങ്ങള്‍ കഴിഞ്ഞു. ഈ കാലയളവിനുള്ളില്‍ പാമ്ബുകടി കാരണമുള്ള മരണങ്ങള്‍ നാലില്‍ ഒന്നായി കുറക്കാൻ നമുക്ക് സാധിച്ചു എന്നത് വലിയ നേട്ടമാണ്. സർപ്പ ആപ്പിൻ്റെ പ്രവർത്തനം വിപുലീകരിക്കാനും കൂടുതല്‍ പ്രചാരം നല്‍കാനുമുള്ള ശ്രമത്തിലാണ് സർക്കാർ ഈ ഉദ്യമത്തില്‍ സർപ്പയുടെ ബ്രാൻ്റ് അംബാസഡറായി പങ്കു ചേർന്ന ടോവിനോ തോമസിന് നന്ദി. സർപ്പയ്ക്ക് കൂടുതല്‍ പ്രചാരം നല്‍കാനും പാമ്ബുകടിയില്‍ നിന്നും ജനങ്ങളെ സുരക്ഷിതരക്കാനും ഈ ക്യാമ്ബെയ്നില്‍ ഏവരും പങ്കു ചേരുക. ഒരുമിച്ച്‌ ഈ പദ്ധതിയെ കൂടുതല്‍ മികവിലേയ്ക്ക് നയിക്കാം,”- മുഖ്യമന്ത്രിയുടെ കുറിപ്പ് ഇങ്ങനെ.
