പാസ് വേർഡ്ശിൽപശാലസംഘടിപ്പിച്ചു

മീനങ്ങാടി: സംസ്ഥാന ന്യൂനപക്ഷ ക്ഷേമ വകുപ്പിൻ്റെ നേതൃത്വത്തിൽ തിരഞ്ഞെടുക്കപ്പെട്ട വിദ്യാലയങ്ങളിൽ സംഘടിപ്പിക്കുന്ന പാസ് വേർഡ് ക്യാപിൻ്റെ ഉദ്ഘാടനം മീനങ്ങാടി ഗവ. ഹയർ സെക്കൻഡറി സ്കൂളിൽ അസിസ്റ്റൻ്റ് കലക്ടർ എസ്. ഗൗതം രാജ് നിർവഹിച്ചു. ഹൈസ്കൂൾ- ഹയർ സെക്കൻഡറി തലങ്ങളിൽ ലഭിക്കുന്ന ശരിയായ മാർഗ നിർദേശം വിദ്യാർഥികളുടെ ഭാവി നിർണയിക്കുന്നതിൽ സുപ്രധാന വഴിത്തിരിവായി മാറുമെന്ന് അദ്ദേഹം പറഞ്ഞു.
പി.ടി.എ പ്രസിഡൻ്റ് എസ് . ഹാജിസ് അധ്യക്ഷത വഹിച്ചു.

ഹയർ സെക്കൻഡറി ജില്ലാ കോ ഓർഡിനേറ്റർ ഷിവി കൃഷ്ണൻ, ന്യുനപക്ഷ യുവജന പരിശീലന കേന്ദ്രം പ്രിൻസിപ്പൽ സി. യൂസഫ്, പ്രോഗ്രാം കോ ഓർഡിനേറ്റർ ഡോ. ബാവ കെ.പാലുകുന്ന്, ഷീബാമ്മ ജോസഫ് എന്നിവർ പ്രസംഗിച്ചു. കരിയർ ഗൈഡൻസ്, വ്യക്തിത്വ വികസനം എന്നീ വിഷയങ്ങളിൽ കെ.എച്ച് ജറീഷ് , എ.കെ ഷാനവാസ് എന്നിവർ ക്ലാസ്സെടുത്തു. മീനങ്ങാടി, കാക്കവയൽ , പനങ്കണ്ടി എന്നീ വിദ്യാലയങ്ങളിൽ നിന്നുള്ള 100 വിദ്യാർഥികളാണ് ശിൽപശാലയിൽ പങ്കെടുത്തത്.