ശ്രീനാരായണ ഗുരു നൽകിയ സന്ദേശം ഇന്ന് പ്രസക്തമെന്ന് മാർപാപ്പ

വത്തിക്കാൻ: ഇന്നത്തെ കാലത്ത് ശ്രീനാരായണ ഗുരുവിൻറെ സന്ദേശം ഏറെ പ്രസക്തമെന്ന് ഫ്രാൻസിസ് മാർപാപ്പ. എല്ലാ മനുഷ്യരും ഒരു കുടുംബത്തിലെ അംഗങ്ങൾ എന്ന സന്ദേശമാണ് ഗുരു ലോകത്തിന് നൽകിയത്. ശ്രീനാരായണ ഗുരു തന്റെ ജീവിതം സമൂഹത്തിന്റെ വീണ്ടെടുപ്പിനായി സമർപ്പിച്ച വ്യക്തിയാണ്. ആരോടും വേർതിരിവോ വിവേചനമോ ഉണ്ടാകരുതെന്ന സന്ദേശം അദ്ദേഹം നൽകി. രാഷ്ട്രങ്ങൾക്കിടയിലും വ്യക്തികൾക്ക് ഇടയിലും അസഹിഷ്ണുതയും വിദ്വേഷവും വർദ്ധിച്ചുവരുന്ന ഈ കാലത്ത് ഗുരുവിന്റെ സന്ദേശം ഏറെ പ്രസക്തമാണെന്നും അദ്ദേഹം പറഞ്ഞു. ശിവഗിരി മഠം സംഘടിപ്പിക്കുന്ന സർവ്വ മത സമ്മേളനത്തിനുള്ള ആശീർവാദ പ്രഭാഷണത്തിൽ ആണ് ഗുരുവിനെ അനുസ്മരിച്ച് മാർപാപ്പ സംസാരിച്ചത്.