ദീപശിഖ പ്രയാണത്തിന് സ്വീകരണം നൽകി

കൽപറ്റ : കേരള സ്കൂൾ കായികമേളയോടനുബന്ധിച്ച് ഒളിമ്പിക്സ് മാതൃകയിൽ കേരള സ്കൂൾ കായിക മേള ദീപശിഖ പ്രയാണത്തിന് ഇന്നു രാവിലെ 9 മണിക്ക് കൽപറ്റ എസ് കെ എം ജെ സ്കൂളിൽ സ്വീകരണം നൽകി. സ്കൂളിലെ എസിസി, സ്കൗട്ട് & ഗൈഡ്സ് , ജെ ആർ സി, എൻ എസ് എസ് തുടങ്ങിയ യൂണിറ്റുകളിൽ അംഗങ്ങളായ വിദ്യാർഥികൾ ബാൻ്റ് മേളത്തോടെ അണിനിരന്നു . സ്കൂൾ പ്രിൻസിപ്പൽ സാവിയോ ഓസ്റ്റിൻ
ജില്ലാ കലക്ടർ ഡി.ആർ മേഘ ശ്രീയിൽ നിന്നു ദീപശിഖ ഏറ്റുവാങ്ങി. കൊച്ചിയിൽ നടക്കുന്ന സംസ്ഥാന കായികമേളയിൽ ജില്ലയിൽ നിന്ന് പങ്കെടുക്കുന്ന രണ്ടായിരത്തോളം വരുന്ന കുട്ടികൾക്കുള്ള ജില്ലാ പഞ്ചായത്തിന്റെ ജഴ്സിയുടെ പ്രകാശനം കലക്ടർ നിർവഹിച്ചു. ജില്ലാ വിദ്യാഭ്യാസ ഉപ ഡയറക്ടർ ശ ശശീന്ദ്ര വ്യാസ് വി എ അധ്യക്ഷത വഹിച്ചു.

സംസ്ഥാന സ്കൂൾ കായികമേള കൊച്ചി 24 ന്റെ ഭാഗ്യചിഹ്നമായ തക്കുടു കുട്ടികൾക്ക് ആവേശമായി. ഇൻക്ലൂസീവ് ഒളിമ്പിക്സിന് പ്രാധാന്യം നൽകി എന്ന നിലയിലും ഈ വർഷത്തെ കായികമേള ശ്രദ്ധേയമാണ്. ജില്ലാ പഞ്ചായത്ത് സെക്രട്ടറി ബെന്നി ജോസഫ്, വിദ്യാഭ്യാസ ജോയിൻറ് ഡയറക്ടർ അബൂബക്കർ, ഡയറ്റ് പ്രിൻസിപ്പൽ ശ്രീ സെബാസ്റ്റ്യൻ , ഡി പി സി അനിൽകുമാർ, വിദ്യാകിരൺ കോർഡിനേറ്റർ വിൽസൺ ,ബത്തേരി എഇ ഒ ഷിജിത ബി ജെ , വൈത്തിരി എ ഇ ഒ ജോയ് വി സ്കറിയ, സ്കൂൾ പിടിഎ പ്രസിഡൻ്റ് ബിനി സതീഷ്, എച്ച് എം ഇൻ ചാർജ് എഡി പ്രവീൺ എന്നിവർ ചടങ്ങിൽ സംബന്ധിച്ചു.
ഡി ഇ ഒ ശരത് ചന്ദ്രൻ നന്ദി രേഖപ്പെടുത്തി