ലഹരിക്കെതിരെ കാല്പന്താരവം
കമ്പളക്കാട്: ലോകകപ്പ് ഫുട്ബോളിന്റെ ആവേശത്തിനൊപ്പം ലഹരിക്കെതിരെ കാല്പന്താരവം തീര്ത്ത് കമ്പളക്കാട്ടെ യുവാക്കളുടെ കൂട്ടായ്മ. പടക്കളം എന്ന പേരില് നാല് ദിവസങ്ങളിലായി നാല് ടീമുകളെ പങ്കെടുപ്പിച്ച് കൊണ്ട് ലോകകപ്പിന്റെ വീറുംവാശിയിലും പനമരം ഫിറ്റ്കാസ ടര്ഫില് സെവന്സ് ടൂര്ണമെന്റ് സംഘടിപ്പിച്ചാണ് യുവാക്കള് ലോകകപ്പിന്റെ ഫൈനലടക്കം ആഘോഷമാക്കിയത്. ലോകകപ്പ് ഫൈനലിന് തൊട്ടുമുന്പായി കളിയവസാനിപ്പിച്ച് ഗ്രൗണ്ടില് സ്പെയിന്-അര്ജന്റീന പോരാട്ടവും അവര് കാണികള്ക്കായി വലിയ സ്ക്രീനില് ഒരുക്കി. കണിയാമ്പറ്റ, മുട്ടില്, പനമരം, കോട്ടത്തറ പഞ്ചായത്തുകളില് നിന്നുള്ള താരങ്ങളാണ് വിവിധ ക്ലബുകള്ക്കായി ബൂട്ടണിഞ്ഞ് കളത്തിലെത്തിയത്. ടൂര്ണമെന്റിന് മാറ്റുകൂട്ടി ഫൈനല് ദിനത്തില് കൃഷിവകുപ്പ് മന്ത്രി ടി. സിദ്ദിഖ്, ഉഷ വിജയന് എം.എല്.എ തുടങ്ങിയവരും ഗ്രൗണ്ടിലെത്തി. പനമരം പഞ്ചായത്ത് പ്രസിഡന്റ് ലക്ഷ്മി ആലക്കമറ്റം 16ന് വൈകിട്ട് ഉദ്ഘാടനം ചെയ്ത ടൂര്ണമെന്റില് വീറും വാശിയുമുള്ള മത്സരങ്ങളാണ് നാല് ദിവസങ്ങളില് അരങ്ങേറിയത്
