വിസ ദുരുപയോഗം ചെയ്താൽ യാത്രാവിലക്ക്; ബി1, ബി2 വിസക്കാർക്ക് യുഎസ് മുന്നറിയിപ്പ്
ന്യൂഡല്ഹി: യുഎസ് ബി1, ബി2 വിസക്കാർക്ക് മുന്നറിയിപ്പുമായി ഇന്ത്യയിലെ യുഎസ് എംബസി. ഏതെങ്കിലും തരത്തില് വിസ ദുരുപയോഗിക്കുകയോ നിയമപ്രകാരം അനുവദിച്ചിട്ടുള്ള കാലയളവില് കൂടുതല് കാലം താമസിക്കുകയോ ചെയ്താല് സ്ഥിരം യാത്രാവിലക്ക് ഏര്പ്പെടുത്തുമെന്നാണ് ഇന്ത്യയിലെ യുഎസ് എംബസി നല്കുന്ന മുന്നറിയിപ്പ്.
എക്സില് പങ്കിട്ട വിഡിയോയില് കോണ്സുലാര് ഉദ്യോഗസ്ഥര്ക്ക് ചില കാരണങ്ങളാല് വിസ അപേക്ഷകള് നിരസിച്ചേക്കാമെന്ന മുന്നറിയിപ്പാണ് നല്കിയിരിക്കുന്നത്. വിസാ ഇന്റര്വ്യൂവിന്റെ ഘട്ടത്തില് സന്ദര്ശക വിസയുടെ നിബന്ധനകള് പാലിക്കാന് താല്പ്പര്യമില്ലാത്ത വ്യക്തിയാണ് നിങ്ങളെന്ന് കോണ്സുലാര് ഉദ്യോഗസ്ഥന് തോന്നിയാല് വിസ നിഷേധിക്കുമെന്നും എംബസി വ്യക്തമാക്കി.
