100% ഡിജിറ്റൽ സാക്ഷരത, കൊച്ചി വാട്ടർ മെട്രോ; റിപ്പബ്ലിക് ദിന പരേഡിൽ കേരളത്തിന്റെ നിശ്ചല ദൃശ്യവും
/
ഈ വർഷം ഡൽഹിയിൽ നടക്കുന്ന റിപ്പബ്ലിക് ദിന പരേഡിൽ കേരളത്തിന്റെ നിശ്ചല ദൃശ്യത്തിനും എൻട്രി. 100 ശതമാനം ഡിജിറ്റൽ സാക്ഷരത നേട്ടവും കൊച്ചി വാട്ടർ മെട്രോയും പ്രമേയമാക്കിയാണ് സംസ്ഥാനത്തിന്റെ ടാബ്ലോ. ‘സമൃദ്ധി കാ മന്ത്ര – ആത്മ നിർഭർ ഭാരത്’ എന്ന തീമിലാണ് തയാറാക്കിയത്. 2023 ന് ശേഷം ആദ്യമായാണ് കേരളത്തിന് പ്രാതിനിധ്യം ലഭിക്കുന്നത് എന്ന പ്രത്യേകതയും ഉണ്ട്.
പ്രതിരോധ മന്ത്രാലയം അഞ്ചുഘട്ടങ്ങളിലായി നടത്തിയ സ്ക്രീനിങ്ങിനൊടുവിലാണ് തിരഞ്ഞെടുക്കപ്പെട്ടത്. ഈ മാസം 26 ന് കർത്തവ്യപഥിൽ നടക്കുന്ന പരേഡിൽ മറ്റ് 16 സംസ്ഥാനങ്ങളുടെ നിശ്ചല ദൃശ്യങ്ങളും ഉണ്ടാകും.
