മീനങ്ങാടി ക്ഷീരോൽപാദക സഹകരണ സംഘം ദേശീയ ഗോപാൽ രത്ന പുരസ്‌കാരം ഏറ്റുവാങ്ങി
മീനങ്ങാടി: ക്ഷീര മേഖലയിൽ കേന്ദ്രസർക്കാർ നൽകുന്ന രാജ്യത്തെ പരമോന്നത ബഹുമതിയായ ദേശീയ ഗോപാൽ രത്ന പുരസ്‌കാരം മീനങ്ങാടി ക്ഷീരോൽപാദക സഹകരണ സംഘം ഏറ്റുവാങ്ങി. ഡൽഹി സുഷ്‌മ സ്വരാജ് ഭവനിൽ വെച്ച് നടന്ന ചടങ്ങിൽ സംഘം പ്രസിഡൻ്റ് പി.പി ജയൻ, സെക്രട്ടറി കെ.ബി മാത്യു എന്നിവർ കേന്ദ്ര മന്ത്രി ജോർജ്ജ് കുര്യനിൽ നിന്നും പുരസ്‌കാരം ഏറ്റുവാങ്ങി. കർഷകരിൽ നിന്ന് നിത്യവും പാൽ സംഭരിക്കുക എന്ന ദൗത്യത്തിൽ മാത്രം പ്രവർത്തനം പരിമിതപ്പെടുത്താതെയുള്ള ഇടപെടലുകളാണ് മീനങ്ങാടി ക്ഷീരസഹ കരണസംഘത്തിന്റെ പ്രത്യേകത. കർഷകർക്ക് വർഷം മുഴുവനും പാലിന് പ്രോത്സാഹനവില നൽകുന്നത് മുതൽ സ്വന്തമായി മൃഗാശുപത്രി വരെ ക്ഷീര സംഘത്തിന്റെ പ്രവർത്തനങ്ങളുടെ വൈവിധ്യമേറെയാണ്. രാജ്യത്തെ ഏറ്റവും മികച്ച ക്ഷീരസഹകരണ പ്രസ്ഥാനങ്ങൾക്ക് ദേശീയതലത്തിൽ നൽകുന്ന ഉന്നത പുരസ്ക്കാരമായ ഗോപാൽരത്ന അംഗീകാരം നേടാൻ സംഘത്തെ പ്രാപ്‌തമാ ക്കിയതും ഈ പ്രവർത്തന മികവ് തന്നെയാണ്.
2022 ൽ ഗോപാൽരത്ന പുര സ്‌കാരത്തിൻ്റെ അന്തിമ പട്ടികയിൽ ഉൾപ്പെട്ട രാജ്യത്തെ പത്ത് ക്ഷീരസംഘങ്ങ ളിൽ ഒന്നുകൂടിയായിരുന്നു മീനങ്ങാടി സംഘം. സംസ്ഥാനത്തെ ഏറ്റവും മികച്ച ആനന്ദ് മാതൃക (ആപ്കോസ്) ക്ഷീരസഹകരണസംഘത്തിനുള്ള സംസ്ഥാന ക്ഷീരവികസനവകുപ്പിന്റെ ഇക്കഴിഞ്ഞ വർഷത്തെ ഡോ. വർഗീസ് കുര്യൻ പുര സ്കാരങ്ങളിലൊന്നും മീനങ്ങാടി സംഘത്തിനായിരുന്നു.
