ആഡംബര ബൈക്ക് വാങ്ങാൻ പണത്തിനായി മാതാപിതാക്കളെ ആക്രമിച്ചു; കമ്പിപ്പാര കൊണ്ടു അച്ഛന്റെ അടിയേറ്റ മകൻ മരിച്ചു.

ഡിജിറ്റൽ ഇടങ്ങളിലെ അശ്ലീല ഉള്ളടക്കം നിയന്ത്രിക്കുന്നതിനായി 2021 ലെ ഇൻഫർമേഷൻ ടെക്നോളജി (ഐടി) നിയമങ്ങൾ ഭേദഗതി ചെയ്യുന്നതിനായി നിർദേശം തയാറാക്കി ഇൻഫർമേഷൻ ആൻഡ് ബ്രോഡ്‌കാസ്റ്റിംഗ് മന്ത്രാലയം (എംഐബ2021ലെ ഐടി നിയമ പ്രകാരം അവതരിപ്പിച്ച ഡിജിറ്റൽ മീഡിയ എത്തിക്സ് കോഡ് പുതുക്കി സോഷ്യൽ മീഡിയ ഉപയോക്താക്കൾക്കും ഓൺലൈൻ വാർത്തകൾക്കുമായി നൈതികമായ കോഡ് അവതരിപ്പിക്കുന്ന കാര്യം സർക്കാർ പരിഗണിക്കുന്നുണ്ടെന്നും നിർദേശം സൂചിപ്പിക്കുന്നു. പുതുക്കിയ കോഡ് പ്രകാരം എല്ലാ ഡിജിറ്റൽ ഉള്ളടക്കത്തിനും, സ്ട്രീമിംഗ് പ്ലാറ്റ്ഫോമുകൾക്കും, ഉപയോക്തൃ-നിർമ്മിത ഉള്ളടക്കത്തിനും, ഡിജിറ്റൽ വാർത്താ അവതാരകർക്കും പ്രത്യേക ഭാഗങ്ങളായി വിഭജിക്കാം, അതുവഴി ഒടിടി പ്ലാറ്റ്ഫോമുകൾക്ക് അപ്പുറം സോഷ്യൽ മീഡിയയിലെ സ്വാധീനം ചെലുത്തുന്നവർക്കും സാധാരണ ഉപയോക്താക്കൾക്കും നിയന്ത്രണം ബാധകമാക്കും.

രൺവീർ ഗൗതം അലഹബാദിയ VS യൂണിയൻ ഓഫ് ഇന്ത്യ, CURE SMA ഫൗണ്ടേഷൻ ഓഫ് ഇന്ത്യ Vs യൂണിയൻ ഓഫ് ഇന്ത്യ എന്നീ കേസുകളുമായി ബന്ധപ്പെട്ട് സുപ്രിം കോടതിയിൽ ഈ നിർദ്ദേശം സമർപ്പിച്ചു. അശ്ലീലതയുമായി ബന്ധപ്പെട്ട വശങ്ങൾ നിലവിലുള്ള ഐടി നിയമങ്ങളിൽ ചേർക്കാൻ കഴിയില്ലെന്നും ആ നിയമങ്ങളുടെ ചില ഭാഗങ്ങൾ ഇതിനകം തന്നെ ജുഡീഷ്യൽ സ്റ്റേയിലാണെന്നും സർക്കാർ ചൂണ്ടിക്കാട്ടി. 2021 ലെ ഐടി നിയമങ്ങൾ വിജ്ഞാപനം ചെയ്‌തതിനുശേഷം, അവയുടെ നിയമസാധുതയെ ചോദ്യം ചെയ്ത് ഹൈക്കോടതികളിൽ 15 റിട്ട് ഹർജികൾ ഫയൽ ചെയ്ത‌ിട്ടുണ്ട്.

ഉള്ളടക്കങ്ങൾ കോഡുകളുടെ ലംഘിനം നടത്തുന്നുണ്ടോ എന്ന് നിർണയിക്കാൻ, അവീഖ് സർക്കാർ vs സ്റ്റേറ്റ് ഓഫ് വെസ്റ്റ് ബംഗാൾ എന്ന കേസിൽ കമ്മ്യൂണിറ്റി സ്റ്റാൻഡേർഡ് ടെസ്റ്റ് മന്ത്രാലയം പരാമർശിച്ചിട്ടുണ്ട്. ഓൺലൈൻ ക്യൂറേറ്റ് ചെയ്യുന്ന ഉള്ളടക്കത്തിനായി U (ആർക്കും കാണാവുന്നത്), U/A 7+ (7 വയസ്സും അതിനു മുകളിലുള്ളവർക്ക്), U/A 13+ (13 വയസ്സും അതിനു മുകളിലുള്ളവർക്ക്), U/A 16+ (16 വയസ്സും അതിനു മുകളിലുള്ളവർക്ക്), A (മുതിർന്നവർക്ക് മാത്രം) എന്നിങ്ങനെ ഇന്റർനെറ്റിൽ ക്യൂറേറ്റ് ചെയ്യണം

പരിപാടി തുടങ്ങുന്നതിനു മുമ്പ് തന്നെ പബ്ലിഷർമാർ ഈ റേറ്റിംഗുകളും അതിൻ്റെ വിവരണങ്ങളും വ്യക്തമായി പ്രദർശിപ്പിക്കേണ്ടതുണ്ട്. U/A 13+ അല്ലെങ്കിൽ അതിലും ഉയർന്ന റേറ്റിംഗുള്ള ഉള്ളടക്കം ലഭ്യമാക്കുന്ന പ്ലാറ്റ്ഫോമുകൾ രക്ഷാകർതൃ നിയന്ത്രണങ്ങൾ (Parental Locks) നൽകേണ്ടതും, ‘A’ റേറ്റിംഗുള്ള ഉള്ളടക്കത്തിന് ‘വിശ്വസനീയമായ പ്രായപരിശോധനാ സംവിധാനം’ (‘a reliable age verification mechanism’) ആവശ്യമാണ്. അഡൾട്ട് ഉള്ളടക്കം പ്രസിദ്ധീകിക്കുന്നവർ, ഉചിതമായ ആക്സസ് കൺട്രോൾ നടപടികൾ നടപ്പിലാക്കി കുട്ടികൾക്ക് അത്തരം ഉള്ളടക്കം ലഭിക്കുന്നത് തടയേണ്ടതുണ്ടെന്നും സർക്കാർ നിർദേശിക്കുന്നു. 2000-ലെ ഐടി ആക്‌ടിൻ്റെ 67, 87 വകുപ്പുകൾ അനുസരിച്ചാണ് ഈ മാറ്റങ്ങൾ വരുത്തിയിരിക്കുന്നതെന്നും സുപ്രീം കോടതിയുടെ നിർദ്ദേശങ്ങൾ പാലിച്ചുകൊണ്ട് സുപ്രീം കോടതിയിൽ സമർപ്പിക്കുമെന്നും മന്ത്രാലയം അറിയിച്ചു. 2025 മാർച്ച് മൂന്നിന് സുപ്രിം കോടതി, വ്യക്തികളുടെ അവകാശങ്ങൾ ലംഘിക്കാത്ത എന്നാൽ അശ്ലീലവും കുറ്റകരവുമായ ഓൺലൈൻ ഉള്ളടക്കത്തിലുള്ള ആശങ്കകൾ പരിഹരിക്കുന്നതിനുമായി ഒരു ചട്ടക്കൂട് തയ്യാറാക്കണമെന്ന് കേന്ദ്രത്തോട് നിർദേശിച്ചതിനെ തുടർന്നാണിത് . 2025 ഓഗസ്റ്റ് 25 ന് നടന്ന വാദത്തിൽ, മാർഗ നിർദേശങ്ങൾ തയാറാക്കുമെന്ന് അറ്റോർണി ജനറൽ കോടതിയെ അറിയിച്ചു.