ദേശീയപാത 66 കാസർകോട് മുതൽ തിരുവനന്തപുരം വരെ 444 കി.മീ. പ്രവൃത്തിപൂർത്തീകരിച്ചു- മന്ത്രി റിയാസ്

തിരുവനന്തപുരം: കാസർകോട് മുതൽ തിരുവനന്തപുരംവരെ ദേശീയപാത 66-ന്റെ 444 കിലോമീറ്റർ ദൂരത്തിലുള്ള നിർമാണ പ്രവൃത്തി പൂർത്തീകരിച്ചതായി പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ്. ഫേയ്സ്ബുക്ക് പോസ്റ്റിലൂടെയാണ് മന്ത്രി ഇക്കാര്യം അറിയിച്ചത്.

‘ഇന്ന് ബഹുമാനപ്പെട്ട മുഖ്യമന്ത്രി ശ്രീ പിണറായി വിജയൻ പതിവ് പോലെ ദേശീയപാതയുമായി ബന്ധപ്പെട്ട വിശദമായ യോഗം ചേർന്നു. എൻഎച്ച് 66 ൻറെ കാസർഗോഡ് ജില്ല മുതൽ തിരുവനന്തപുരം വരെ 444 കിലോമീറ്റർ പ്രവൃത്തി പൂർത്തീകരിച്ചു കഴിഞ്ഞ സന്തോഷ വിവരം അറിയിക്കുന്നു. എൻഎച്ച് 66 മായി ബന്ധപ്പെട്ട എല്ലാ വിഷയങ്ങളും ചർച്ച ചെയ്‌തു തീരുമാനങ്ങൾ എടുത്തു’, മന്ത്രി ഫേയ്‌സ്ബുക്ക്‌ കുറിപ്പിൽ വ്യക്തമാക്കി.