അധികൃതർ തിരിഞ്ഞു നോക്കുന്നില്ല, വർഷങ്ങളായി തകർന്നു കിടക്കുന്ന മാനന്തവാടി മെഡിക്കൽ കോളേജ് റോഡിലെ കുഴികളടച്ച് ഐ എൻ ടി യു സി ഓട്ടോ തൊഴിലാളികൾ.
മാനന്തവാടി: വാർഷങ്ങളായി തകർന്നു കിടക്കുന്ന മാനന്തവാടി മെഡിക്കൽ കോളേജ് റോഡിലെ കുഴികളടച്ച് ഐ എൻ ടി യു സി ഓട്ടോ തൊഴിലാളികൾ.
ദിവസേന ആംബുലസ് അടക്കമുള്ള നൂറുകണകണക്കിന് വാഹനങ്ങളും,കാൽ നട യാത്രക്കാരും ആശ്രയിക്കുന്ന റോഡാണിത്.
റോഡിന്റെ ശോചനീയാവസ്ഥക്കെതിരെ നിരവധി തവണ പി ഡ ബ്ള്യു ഡി അധികൃതരെയും മറ്റും ബന്ധപ്പെട്ടെങ്കിലും റോഡ് നന്നാക്കുവാൻ തയ്യാറായില്ല. ഇതോടെയാണ് പ്രതിഷേധ സൂചകമായി കുഴികളിൽ കോറി വേസ്റ്റ് അടക്കമുള്ളവ ഇട്ട് മൂടി കുഴികൾ അടക്കാൻ ഐ എൻ ടി യു സി താലൂക്ക് കമ്മറ്റിയുടെ നേതൃത്വത്തിൽ ഓട്ടോ തൊഴിലാളികൾ രംഗത്ത് വന്നത്.
ഐ എൻ ടി യു സി നേതാവ് എം പി ശശികുമാർ , പ്രവർത്തകരായ രാജേഷ് ടി ജെ , സെൽവി കണിയാരം , അബൂബക്കർ , സജീവൻ എസ് , സുരേഷ് എം എ , ഇസഹാക്ക് എ എച്ച്, റഹീം എന്നിവർ നേതൃത്വം നൽകി
