വരദൂര്‍ കുടുംബാരോഗ്യകേന്ദ്രത്തിനു കേരള ഗ്രാമീണ്‍ ബാങ്ക് അനുവദിച്ച വാഹനം കൈമാറി
കണിയാമ്പറ്റ: വരദൂര്‍ കുടുംബാരോഗ്യകേന്ദ്രത്തിന് കേരള ഗ്രാമീണ്‍ ബാങ്ക് അനുവദിച്ച വാഹനം ടി. സിദ്ദിഖ് എംഎല്‍എ കൈമാറി. പഞ്ചായത്ത് പ്രസിഡന്റ് കെ.വി. രജിത അധ്യക്ഷത വഹിച്ചു. ബാങ്ക് ചെയര്‍പേഴ്‌സണ്‍ വിമല വിജയഭാസ്‌കര്‍ മുഖ്യാതിഥിയായി. ബ്ലോക്ക് പഞ്ചായത്ത് വൈസ് പ്രസിഡന്റ് അബ്ദുള്‍ ഗഫൂര്‍ കാട്ടി, ആരോഗ്യ-വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ നിത്യ ബിജുകുമാര്‍, പഞ്ചായത്ത് ആരോഗ്യ-വിദ്യാഭ്യാസ സ്റ്റാന്‍ഡിംഗ് കമ്മറ്റി ചെയര്‍പേഴ്‌സണ്‍ ജസി ലെസ്‌ലി, വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ കെ. കുഞ്ഞായിഷ, ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ഷംസുദ്ദീന്‍ പള്ളിക്കര, ജില്ലാ പഞ്ചായത്ത് ഡിവിഷന്‍ അംഗം സിന്ധു ശ്രീധരന്‍, ആരോഗ്യകേരളം ജില്ലാ പ്രോഗ്രാം മാനേജര്‍ ഡോ.സമീഹ സെയ്തലവി, ബാങ്ക് ആര്‍എംഒ ടി.വി. സുരേന്ദ്രന്‍, ബാങ്ക് ബ്രാഞ്ച് മാനേജര്‍ കെ.ആര്‍. സുരേന്ദ്രന്‍ എന്നിവര്‍ പ്രസംഗിച്ചു. പഞ്ചായത്ത് വൈസ് പ്രസിഡന്റ് നൂര്‍ഷ ചേനോത്ത് സ്വാഗതവും എഫ്എച്ച്‌സി മെഡിക്കല്‍ ഓഫീസര്‍ എ.പി. സിത്താര നന്ദിയും പറഞ്ഞു.
