രക്തദാന ക്യാമ്പ് സംഘടിപ്പിച്ചു

തലപ്പുഴ: തലപ്പുഴ ഗവൺമെൻറ് ഹയർ സെക്കൻഡറി സ്കൂ‌ളിലെ എൻഎസ്എസ് യൂണിറ്റും മാനന്തവാടി മെഡിക്കൽ കോളേജിലെ രക്ത ബാങ്കും സംയുക്തമായി രക്തദാന ക്യാമ്പ് സംഘടിപ്പിച്ചു. ‘ജീവദ്യുതി’ എന്ന പേരിൽ തവിഞ്ഞാൽ ഗ്രാമപഞ്ചായത്ത് ഹാളിൽ സംഘടിപ്പിച്ച രക്തദാന ക്യാമ്പ് തലപ്പുഴ ഹയർസെക്കൻഡറി സ്‌കൂൾ പ്രിൻസിപ്പൽ ഷീജ പി എ ഉദ്ഘാടനം ചെയ്‌തു. പിടിഎ പ്രസിഡണ്ട് സതീഷ് ഇ കെ, വൈസ് പ്രസിഡൻ്റ് ഷാജി പാത്താടൻ, എൻഎസ്എസ് പി ഒ ബാബു താരാട്ട്, ഡോക്‌ടർ ദിവ്യ വി, രക്ത ബാങ്ക് കൗൺസിലർ സിബി മാത്യു അധ്യാപകരായ രതീഷ് എ, സുധീപ് എം എസ്, അരുൺ കുമാർ, ജെറ്റി ജോസ്, സ്വപ്ന എ പി, വളണ്ടിയർ ലീഡർ അസിൻ സൂസൻ എന്നിവർ സംസാരിച്ചു.